لسلام عليكم ورحمة الله وبركاته ,,

للبيع جمس جيمي مديل 91

المواصفات والاضافات : اللون بيج – اسود وارد بهبهاني الموتر مغير دفرنساته الى 8 مسمار رقم الكوارين 10-43 ومقلوب قير عايدي .
الموتر اصل شكمان واحد 350 بس مقلوب شكمانين 454 حلاب حقت صالون 93 بكمبيوترها وضفيرتها ..
المكيف شغال ممتاز جدا والحراره مع المكيف ممتازه .
المكينه على اديتر صالون كبير المنيوم وعليها مراوح لومينا ومغير له قريب اسلاك بواجي اي سي ديلكو 8مل نوع اصلي وبواجي طقم ومنظم التشغيل عالبارد حق التحميه اصلي جديد ومغير له علبه دركسون نوع اي سي ديلكو اصلي ..

الداخليه : عليه مراتب جمس حوض 2005 مجلسه صح وشغاله والموتر منجد فيه تلقيطات وبعضه بلد عليه بلاستيك عالارضيه والطبلون عليه تلبيسه ..
لايوجد كسور في ديكوراته او شيء واضح كلها نضيفه وكامله والكامل وجهه سبحانه ..
مركب له امبير سرعه جديد وشغال ومافيه رجه فالابره ..
فالصور عليه مسجل سيدي كست جي في سي لكن مهوب مع البيعه بيكون عليه مسجل البلد يبي له بكره ..
القزاز كهرب كامل حتى الخلفيه وكله شغال والقفل المركزي شغال ..

البودي : فيه رفرفين اماميات وكبوت مرشوشات وفيه طقه فالرفرف الخلفي من جهة الراكب والباقي انشاء الله سليم ومركب له اسطبات اماميه جديده وشمعات اصليه وطقم جميحيات جديد ..

المشاكل : القزازه الاماميه فيها شلوخ . .

الموتر فيه بعض التجهيزات للطلعات البريه : كبس مثبت على جانب السواق عالفيبر الخلفي واضح في الصور . ومحول كهرب يحول لـ 220 مثبت جنب الباب حق الشنطه . لي وسكر مويه مثبت تحت الموتر والتانكي يكون جوا الغماره . كفرات 33 نوع ماكسس وجنوط 10 انش 2 ممتازات و2 اقل من نص عمر واضحه فالصور . وانتل مثبت فالتنده مع تمديد اسلاك الكنود للديكور الداخلي ..

بالاضافه الى رش بطن كامل بويه فرن لمعه + تركيب شكامين صالون 97 مغطسه وغطا كارونه مغطس عند الرضا ..

الموتر غير مفحوص لكن الاستماره جديده وهويه الموتر فالاستماره جمس 91 ..

ارجو التواصل عن طريق الواتس اب او عن طريق الردود لايدق الا الصامل ..1

هذا الإعلان قديم، لقد تم إزالة معلومات الاتصال ، يمكنك التواصل مع صاحب الإعلان عن طريق الرد على الإعلان في الأسفل.
* موقع الدلال يحذر من التعامل غير المباشر وتحويل الاموال . وننصح بشدة التعامل يدا بيد .
* يحصل الموقع على عمولة قدرها ( 1% ) من العملية التجارية عند انتهائها، يدفعها المعلن .


  • أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *